З чорнага спісу артыстаў прыбралі тры гурты. Дазволілі нават «Кіно»
Нядаўна «Наша Ніва» апублікавала абноўлены чорны спіс артыстаў, чые песні забаронена выконваць у Беларусі. Пасля публікацыі мінскім установам далі дазвол на хіты некаторых рок-гуртоў.
У сакавіку ў наша распараджэнне трапіў свежы спіс са 179 пазіцый забароненых выканаўцаў. Чыноўнікі ўнеслі туды не толькі ўкраінскіх зорак і праціўнікаў пуцінскага рэжыму, але і заўзятых Z-патрыётаў. Пасля таго, як гэтая інфармацыя разляцелася, ідэолагі, падобна, вырашылі перагледзець свае ж забароны.
Як стала вядома «Нашай Ніве», цяпер у караоке-клубах зноў можна легальна спяваць песні гурта «Звери» і поп-рокавага гурта «Градусы». Абодва гурты актыўна гастралююць на акупаваных тэрыторыях Украіны.
Яшчэ адно паслабленне тычыцца культавага гурта «Кіно». Песні Віктара Цоя таксама дазволілі вярнуць у караоке, але з адной прынцыповай умовай.
Спяваць песню «Перемен», якая была адным з гімнаў пратэстаў 2020-га, усё яшчэ строга забаронена.
«Наша Нiва» — бастыён беларушчыны
ПАДТРЫМАЦЬ«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары
[Зрэдагавана]
і слова такога таксамя няма
і гурта "ЗВЯРЫ" - таксама не было (калі што)!
"Высарвалі мерапрыемства" ледзь не плачучы крычаў ён. Асалода