Мінскі аэрапорт прапануе шэраг сэрвісаў, якія выходзяць далёка за рамкі звыклага дзьюці-фры. Журналісты Tochka.by вывучылі магчымасці аэравакзала і сабралі самыя цікавыя прапановы.
1. Захоўванне чамаданаў і «зімовы» гардэроб
Камера захоўвання знаходзіцца ў зоне прылёту (цокальны паверх, сектары 5—6). Тут можна пакінуць багаж, калі ў вас шмат часу да рэйса ці вы хочаце наведаць горад.
Таксама ўзімку працуе гардэроб, дзе можна пакінуць вопратку, каб не везці яе ў цёплыя краіны.
Захоўванне багажу: 10 рублёў за суткі (мінімальная аплата нават за некалькі гадзін).
Гардэроб: 5 рублёў за суткі за куртку або паліто.
2. «Перадай падарунак сябру»
У той жа камеры захоўвання можна пакінуць любую рэч — ключы, дакументы або сумку — на імя іншага чалавека (мо вы нешта забылі пакінуць дома ці ўзялі тое, што везці нельга). Атрымальнік зможа забраць яе, паказаўшы пашпарт.
Кошт: ад 5 да 12 рублёў у залежнасці ад памеру пасылкі.
3. Кабіны для сну і душ
Для тых, хто стаміўся ў дарозе, на 4‑м паверсе ёсць зоны адпачынку.
Душ: 20 рублёў за 40 хвілін (размешчаны ў першым сектары).
Кабіна для сну: 3 гадзіны адзіноты каштуюць каля 65 рублёў, кожная наступная гадзіна — каля 23 рублёў.
Пакоі часовага пражывання: суткі для рэзідэнтаў Беларусі каштуюць ад 70 рублёў (аднамесны) да 115 рублёў (сямейны). Для замежнікаў цэны вышэйшыя ўдвая.
4. Дапамога аўтамабілістам
Калі пасля доўгай стаянкі на паркоўцы аэрапорта ў машыны сеў акумулятар, можна скарыстацца паслугай хуткага запуску рухавіка. Сэрвіс працуе кругласутачна, трэба звяртацца да адміністратара платнай стаянкі.
Кошт: 30 рублёў.
5. Захаванне знойдзеных і канфіскаваных рэчаў
Рэчы, якія былі знойдзены ў аэрапорце або канфіскаваны падчас дагляду (калі яны не забароненыя да абароту), таксама захоўваюцца платна.
Кошт: 10 рублёў за першыя суткі, далей — па 30 капеек за кожны наступны дзень.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй48
Каментары