Каля ўзбярэжжа ААЭ гарыць карэйскі танкер. У вайне ЗША з Іранам новы віток
Паведамляецца, што танкер нібыта загарэўся пасля атакі іранскага беспілотніка.
Інцыдэнт адбыўся ў нафтапрамысловай зоне Фуджэйра, за 36 міляў ад Дубая.
«Кампетэнтныя органы эмірата Фуджэйра пацвердзілі ўзнікненне буйнога пажару ў раёне Фуджэйрскай нафтавай прамысловай зоны (FOIZ), выкліканага ўдарам беспілотніка, які прыляцеў з Ірана. Сілы грамадзянскай абароны Фуджэйры неадкладна прыступілі да ліквідацыі наступстваў інцыдэнту», — гаворыцца ў паведамленні мясцовых улад у Х.
Судна належыць Паўднёвай Карэі.
У раёне Абу-Дабі і порта Дубая спрацавалі сігналы паветранай трывогі. Паведамляецца пра актывацыю сістэм супрацьпаветранай абароны, а аэрапорты папярэдзілі пра магчымыя збоі і адмены рэйсаў.
Па непацверджанай інфармацыі, Іран нібыта працягвае ракетныя атакі пасля таго, як узброеныя сілы ААЭ перахапілі чатыры ракеты. Паведамляецца таксама, што каля ўзбярэжжа краіны былі атакаваныя не адзін, а некалькі танкераў, а ў сацыяльных сетках з’явіліся фота нібыта наступстваў гэтых удараў.
Новы віток узброенага канфлікту адбыўся пасля спробаў флоту ЗША наблізіцца да Армузскага праліва. Паводле паведамленняў іранскага боку, Корпус вартавых ісламскай рэвалюцыі заявіў, што нібыта атакаваў амерыканскі дэсантны карабель «Канбера» ракетамі каля вострава Джаск. Улады ЗША гэта катэгарычна адмаўляюць і кажуць, што карабель не быў пашкоджаны.
Пасля гэтых паведамленняў ЗША нібыта ўзмацнілі сваю вайсковую прысутнасць у рэгіёне: туды перакідваюцца дадатковыя сілы і тэхніка, а ў паветры фіксуюцца амерыканскія разведвальныя самалёты.
Таксама амерыканскае выданне Axios паведаміла, што вайскоўцам ЗША маглі даць дазвол дзейнічаць супраць іранскіх сіл, калі тыя ствараюць пагрозу суднам у Армузскім праліве.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары