На саміце ў Арменіі Ільхам Аліеў моцна паспрачаўся са старшынёй Еўрапарламента
На саміце Еўрапейскай палітычнай супольнасці ў Ерэване адбылася вострая публічная спрэчка паміж прэзідэнтам Азербайджана Ільхамам Аліевым і старшынёй Еўрапарламента Рабертай Метсолай, піша Euronews.
Аліеў абвінаваціў Еўрапарламент у тым, што ён нібыта распаўсюджвае хлусню і дэзынфармацыю пра Азербайджан і занадта жорстка яго крытыкуе. Ён назваў такую пазіцыю «свайго роду апантанасцю» ягонай краінай і заявіў, што азербайджанскі парламент прыпыняе супрацоўніцтва з Еўрапарламентам.
Таксама ён сцвярджаў, што дэпутаты ЕС нібыта перашкаджаюць мірнаму працэсу паміж Арменіяй і Азербайджанам, які быў запушчаны пры пасярэдніцтве ЗША пасля завяршэння канфлікту вакол Нагорнага Карабаха.
У адказ Раберта Метсола выступіла ў абарону Еўрапарламента. Яна падкрэсліла, што гэта дэмакратычны інстытут, дзе рашэнні прымаюцца галасаваннем, і што крытыка з боку некаторых краін не зменіць прынцыпаў яго працы.
Як паведамляецца, выступленне Аліева не было загадзя запланавана, таму Метсола запатрабавала слова, каб адказаць на абвінавачванні.
Еўрапарламент раней прымаў рэзалюцыі з крытыкай сітуацыі ў Азербайджане, у тым ліку адносна Нагорнага Карабаха і правоў армянскага насельніцтва пасля канфлікту.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары
Жорсткі спадчынны дыктатар Аліеў вельмі імкнецца заставацца для захаду "сваім сукіным сынам", бо толькі туды ён можа прадаць азербайджанскія нафту і газ, у чым ён канкуруе супраць Расеі. Тым больш, што большую частку грошаў ад продажу азербайджанскіх вуглевадародаў прысабечвае найбагацейшая сям'я Азербайджана з прозвішчам surprise, surprise .... Аліевы.
Рэпрэсіўная палітыка Аліева доўгія гады грунтавалася на падмурку мілітарызацыі і аб'яднання нацыі вакол моцнага дыктатара і нянавісці супраць вонкавага ворага - Арменіі і Арцаху, што даволі тыпова для любой дыктатуры. І вось Арцаху больш няма, а ад Аліева патрабуюць вынуць і выкінуць ледзь не галоўны стрыжань яго дыктатуры. Між тым эканамічныя дасягненні Азербайджану за часы панавання дынастыі Аліевых вельмі сціплыя, а памер ВУП на душу насельніцтва ва ўмовах велічэзнага нафтагазавага допінгу не нашмат лепшы за армянскі. Невядома, ці прывядзе гэта да падзення аліеўскай дыктатуры, але незадаволенне ў азербайджанскім грамадстве будзе паступова ўзрастаць.