Інвесткампанія «Зубр Капітал» набыла блакавальную долю ў «Трыаінвест», якая валодае буйной інтэрнэт-крамай 21vek.by. Дадзеную інфармацыю TUT.BY пацвердзілі абодва ўдзельнікі ўгоды. Сума ўгоды стандартная для фонду: 3—7 млн даляраў. Перамовы вяліся даўно, сказаў Андрэй Філон, куратар праекта з боку «Зубр Капіталу».
Сузаснавальнік і кіраўнік кампаніяй 21vek.by Сяргей Вайніловіч спадзяецца, што прыцягненне фонду «Зубр Капітал» «стане магутным каталізатарам развіцця кампаніі». «З фінансавага пункту гледжання інвестыцыі дазволяць паскорыць рост на рынку Беларусі, а таксама разгледзець выхад і за яго межы», — адзначыў ён.
Па дадзеных справаздачнасці, абарот 21vek.by, які заснавалі Сяргей Вайніловіч, Павел Матусевіч і Іван Плюгачоў, у 2016 годзе склаў 50 млн даляраў. Па ацэнцы deal.by, кампанія ў мінулым годзе займала 14% беларускага рынку інтэрнэт-гандлю.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары