Гэтая «істэрыя», па словах прадстаўніка МЗС Расіі, «выклікае ў нас толькі шкадаванне». У ведамстве заявілі, што яны «звярнулі ўвагу» на «паток дэзынфармацыі і заезджаных прапагандысцкіх клішэ ў адрас Расіі з афіцыйнай Падгорыцы». Пры гэтым у МЗС Расіі не ўдакладнілі, якія канкрэтна заявы маюць на ўвазе.
«У палітыцы, як і ў фізіцы, усялякае дзеянне спараджае супрацьдзеянне», — гаворыцца ў паведамленні. У МЗС Расіі адзначылі, што адказнасць за пагаршэнне адносін паміж дзвюма краінамі нясе Чарнагорыя.
МЗС Чарнагорыі 29 мая абвінаваціў Расію ва ўмяшанні ў палітыку краіны, у тым ліку ў пытанні ўступлення ў НАТА. «Расія адкрыта ўмешваецца ў нашы ўнутраныя палітычныя пытанні, чаго мы, вядома, не ўхваляем», — сказаў міністр замежных спраў Чарнагорыі Серджан Дармановіч, паведамляла тэлерадыёкампанія RTGG. Дармановіч адзначыў, што расійская выведка «адкрыта» падтрымлівае чарнагорскую апазіцыю, якая выступае супраць уступлення краіны ў НАТА.
У адказ на гэта МЗС Расіі рэкамендаваў расіянам «двойчы падумаць», перш чым ехаць у Чарнагорыю. Па словах прадстаўніка ведамства Марыі Захаравай, такая рэкамендацыя зроблена ў сувязі з «нагнятаннем антырасійскай істэрыі», якая разгортваецца «на фоне агульнага рэгрэсу двухбаковых адносінаў».
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары