Міхаіл Краснабаеў стаў мастацкім кіраўніком Нацыянальнага акадэмічнага драматычнага тэатра імя Якуба Коласа, паведамляе БелТА. Рашэнне аб прызначэнні рэжысёра Коласаўскага тэатра яго мастацкім кіраўніком было прынята сёння на агульным сходзе калектыву. Мерапрыемства прайшло з удзелам міністра культуры Барыса Святлова.
Увесь творчы шлях Міхаіла Краснабаева звязаны з віцебскім тэатрам. Ён прыйшоў сюды працаваць артыстам у 1985 годзе пасля заканчэння тэатральнага факультэта Беларускага дзяржаўнага тэатральна-мастацкага інстытута. У 2000—2001 гадах Міхаіл Краснабаеў прайшоў рэжысёрскую падрыхтоўку ў Маскве (вучыўся ў народнага артыст Расіі Пятра Фаменкі). У 2004 годзе стаў рэжысёрам-пастаноўшчыкам Коласаўскага тэатра.
Першы пастаўлены ім спектакль — «Вераб'іная ноч» па матывах пралогу да рамана Уладзіміра Караткевіча «Нельга забыць». Трэба адзначыць, што спектаклі па творах Караткевіча займаюць асаблівае месца ў творчасці Міхаіла Краснабаева. У апошніх гадах ён паставіў у тэатры спектаклі «Да трэціх пеўняў», «Шукаем тэнара!», «Смяротны нумар», «Снежная каралева», «Прыгоды Дзюймовачкі», «Доктар філасофіі».
Цяпер рэжысёр працуе над аднаўленнем спектакля «Перабор» па творы Херберта Бергера, прыступае да пастаноўкі п'есы Максіма Горкага «Апошнія».
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
«Месячны плацеж пацягне на 340 рублёў». Што будзе ў Беларусі з мабільным інтэрнэтам?21
Каментары