Як стала вядома «Нашай Ніве», у апошнія дні вучэнняў «Захад-2017» у Беларусь збіраюцца прыляцець начальнік генеральнага штаба Расіі Валерый Герасімаў, а таксама міністр абароны Расіі Сяргей Шайгу.
На асобных палігонах рыхтуюцца да прыняцця высокіх гасцей.
Нагадаем, што Аляксандр Лукашэнка перадумаў ляцець у Расію для інспектавання вучэнняў на расійскіх палігонах.
Вучэнні «Захад-2017» пачаліся 14 верасня і працягнуцца да 20 верасня. У іх задзейнічаны 12 700 вайскоўцаў (з іх каля 10 тысяч — у Беларусі), 370 адзінак бранятанкавай тэхнікі, у тым ліку 140 танкаў, да 150 адзінак артылерыі, больш за 40 самалётаў і верталётаў.
0
0
0
0
0
0
