Сёння парламент Эстоніі ў трэцім чытанні прыняў закон, згодна з якім у краіне будзе забаронена выкарыстоўваць дзікіх жывёл у цырках, паведамляе Err.ee.
У падтрымку законапраекта выказалася пераважная большасць дэпутатаў — 83, адзін устрымаўся, галасоў «супраць» пададзена не было.
Заканадаўчая ініцыятыва прадугледжвае, што адкрыта дэманстраваць жывёліну публіцы можна будзе, толькі калі гэта дазваляе рабіць спецыфіка яе паводзін і ладу жыцця, а таксама, калі гэта адбываецца без шкоды яе здароўю.
Спіс відаў, якіх можна будзе выстаўляць на выставах, спаборніцтвах, аўкцыёнах і іншых адкрытых мерапрыемствах будзе вызначаны міністрам сельскага жыцця.
Як паведамілі абаронцы жывёл, яны ўдзячныя ўсім тым палітыкам, хто прагаласаваў за гэты закон, аднак у будучыні яны працягнуць барацьбу за тое, каб у Эстоніі было забаронена выкарыстанне ў цырку любых відаў жывёл.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары