Еўрапейскаму Саюзу неабходныя агульны абаронны бюджэт і сумесная армія. Пра гэта заявіў, выступаючы перад студэнтамі Сарбоны з праграмнай прамовай аб рэфармаванні ЕС, прэзідэнт Францыі Эманюэль Макрон, паведамляе DW.
«Бяспека — гэта аснова любой палітычнай супольнасці», між тым Еўропа сутыкнулася з падвойным выпрабаваннем — «паступовым і непазбежным» адчужэннем ЗША і пагрозы тэрарызму, падкрэсліў Макрон. На яго думку, агульнаеўрапейская армія павінна з'явіцца да 2020 года ў дадатак да ўзброеных сіл НАТА.
Закрануўшы пытанні эканомікі, французскі прэзідэнт паўтарыў ідэю, з якой неаднаразова выступаў у ходзе выбарчай кампаніі: ён перакананы, што краінам, якія ўваходзяць у зону еўра, неабходны адзіны бюджэт. Адной з магчымасцяў фінансавання такога бюджэту магло б стаць увядзенне спецыяльнага падатку, заявіў Эманюэль Макрон. Толькі зона еўра «з моцнай і міжнароднай валютай» можа забяспечыць аснову для еўрапейскай эканомікі, здольнай скласці канкурэнцыю на глабальным узроўні, падкрэсліў ён.
Яшчэ адным ключавым момантам выступу Макрона стала праблема міграцыі. У прыватнасці, ён прапанаваў стварыць адзінае агенцтва па справах бежанцаў, каб спрасціць працэдуру іх прыёму. Прэзідэнт Францыі таксама перасцярог ад пагрозы росту нацыяналістычных настрояў ва ўмовах прытоку мігрантаў, заявіўшы, што гэта ідзе насуперак з прынцыпамі адзінай Еўропы. Макрон нагадаў, што па выніках парламенцкіх выбараў у Германіі 24 верасня ў бундэстаг прайшла правая партыя «Альтэрнатыва для Германіі», якая набрала 12,6% галасоў. «Мы не думалі, што мінулае вернецца», — пракаментаваў ён гэты вынік.
Разважаючы пра перспектывы Еўрасаюза, Эманюэль Макрон назваў цяперашнюю Еўропу «занадта слабой, занадта павольнай, занадта неэфектыўнай». «Адзіны шлях, які гарантуе наша будучыня, — гэта аднаўленне незалежнай, адзінай і дэмакратычнай Еўропы», — сказаў на заканчэнне ён.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары