За крадзеж аўтамабіля супрацоўнікі крымінальнага вышуку Партызанскага РУУС сталіцы затрымалі 19-гадовага беспрацоўнага жыхара Мінска.
Малады чалавек, паведамляе прэс-служба ГУУС Мінгарвыканкама, вяртаўся дадому. На завулку Казлова яму спадабаўся аўтамабіль «ВАЗ 2101». Разбіўшы бакавое шкло, ён трапіў у салон і паспрабаваў з дапамогай дратоў завеcці машыну, але не змог. Пасля гэтага зняў магнітолу і накіраваўся з ёй дадому. Але на вуліцы Уральскай яго ўвагу прыцягнула яшчэ адна машына - «Жыгулі». Гэтая спроба згону апынулася ўдалай. Адкрыўшы дзверы адкруткай, хлопец трапіў у салон, завёў аўто, а па прыездзе дадому зняў з яго акумулятар.
Дзень быў працягнуты адпачынкам з сябрамі і спіртным. Увечары маладому чалавеку здалося, што скрадзены аўтамабіль ён няўдала прыпаркаваў каля дома і папрасіў сяброў адагнаць далей, у менш прыкметнае месца. Аднак сустрэчы з міліцыяй ўсё роўна пазбегнуць не ўдалося. Хлопец быў затрыманы дома аператыўнікамі крымінальнага вышуку Партызанскага РУУС сталіцы. У здзейсненым зламыснік адразу прызнаўся, а таксама распавёў аб яшчэ адной няўдалай спробе крадзяжу аўто ў красавіку гэтага года.
Распачатая крымінальная справа.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары