Дзяржкарпарацыя «Раскосмас» замовіла ў канструктарскага бюро «Арсенал» распрацоўку арбітальнай атамнай электрастанцыі, здольнай з дапамогай лазернага промня перадаваць энергію на адлегласці для падзарадкі іншых спадарожнікаў.
Згодна з дакументам, распрацоўшчык павінен прадставіць праект АЭС, а таксама варыянты яе размяшчэння на арбіце Зямлі і схемы запуску ў космас.
Пры гэтым ужо зараз навуковая супольнасць раскалолася на дзве часткі: адны падтрымліваюць ідэю будаўніцтва новага аб'екта на калязямной арбіце, іншыя ж крытыкуюць гэтую ідэю.
Прыхільнікі будаўніцтва АЭС кажуць, што ідэя з'яўляецца вельмі перспектыўнай і дае магчымасць «планаваць будучыню на некалькі крокаў наперад» у плане асваення космасу.Такія касмічныя аб'екты акажуць істотную дапамогу пры перамяшчэнні касмічных апаратаў за межы Сонечнай сістэмы і ўнутры яе.
Крытыкі ж называюць затраты на будаўніцтва АЭС на арбіце неабгрунтавана высокімі, прапаноўваючы і далей асвойваць выкарыстанне сонечных батарэй і іншых крыніц альтэрнатыўнай энергіі для сілкавання касмічных аб'ектаў.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў17
Каментары