Гендырэктарам ТАА «Канкорд менеджмент і кансалтынг», паводле дадзеных базы «СПАРК-Інтэрфакс», 14 лістапада стаў Дзмітрый Валер'евіч Уткін — поўны цёзка меркаванага камандзіра ПВК Вагнера. На гэтай пасадзе ён змяніў Анастасію Саўціну. Прозвішча, імя і імя па бацьку новага менеджара супадае з імем меркаванага камандзіра ПВК Вагнера.
РБК накіраваў афіцыйны запыт прадстаўнікам Яўгена Прыгожына. Крыніца РБК у атачэнні Прыгожына пацвердзіла, што гаворка ідзе пра меркаванага камандзіра ВВК Вагнера.
«Канкорд менеджмент і кансалтынг», паводле інфармацыі на сайце кампаніі, уваходзіць у ГК «Канкорд» (саўладальнік пецярбургскі бізнэсмэн Яўген Прыгожын). Фірма з'яўляецца кіруючай кампаніяй рэстараннага холдынгу Прыгожына. Ёй належаць некалькі рэстаранаў у Маскве, а таксама сетка буцікоў «Музей шакаладу».
Кампанія Прыгожына «Канкорд М» пастаўляе харчаванне для Кіраўніцтва спраў прэзідэнта Расіі. Бізнэсмэн займаецца пастаўкамі 90% абедаў у маскоўскіх школах, звязаныя з ім структуры выйгралі тэндары на ўборку ў казармах і навучальных установах Мінабароны.
Пецярбургскае выданне «Фонтанка» неаднаразова называла Уткіна камандзірам прыватнай ваеннай кампаніі Вагнера. Упершыню «група Вагнера» з'явілася на Блізкім Усходзе незадоўга да таго, як Расія стала афіцыйна разгортваць свае вайсковыя базы ў Сірыі. У групе служылі амаль 2,5 тыс. чалавек. Байцы «Вагнера» таксама бралі ўдзел у баях на паўднёвым усходзе Украіны.
Вагнер, па дадзеных «Фантанкі», — гэта баявы пазыўны Уткіна. Камандзір групы з'яўляецца афіцэрам запасу і раней служыў у пскоўскай брыгадзе ГРУ. У снежні 2016 года Уткін быў запрошаны на прыём у гонар святкавання Дня герояў Айчыны ў Георгіеўскай зале Вялікага Крамлёўскага палаца.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары