Курс біткойна дасягнуў новага гістарычнага максімуму. На таргах у ноч на 17 лістапада кошт самай дарагой крыптавалюты на біржы Bitfinex перавышаў $8000. Затым курс скарэктаваўся, і сёння раніцай біткойн вагаўся ў прамежку $ 7500-7900 за манету, сведчаць дадзеныя партала Coinmarketcap.
Сумарная капіталізацыя біткойна на сённяшні дзень складае каля $130 млрд. Рынак — на думку экспертаў — падняўся на фоне росту біткойна, а таксама крыптавалюты Ripple, кошт якой павялічыўся за дзень прыкладна на 28% (чацвёртая па капіталізацыі валюта, $ 8,6 млрд).
«Рост крыптавалюты Ripple быў выкліканы навіной пра тое, што кампанія American Express абвясціла пра пачатак працы з блокчэйнам RippleNet», — патлумачыў РБК рэдактар галіновага партала Happy Coin Club Валерый Смаль.
Што тычыцца прагнозаў на бліжэйшы час, то, на думку Смаля, у снежні на рынку можна чакаць згасання трэнду. Аднак такія прагнозы ўжо рабіліся — і яны не спраўдзіліся. У пачатку лістапада курс біткойна ўпаў амаль на 30%, знізіўшыся да $ 5605.
Звязана гэта было з тым, што інвестары пераключыліся на альтэрнатыўную крыптавалюту — біткойн-кэш, якая аддзялілася ад асноўнага біткойна ў жніўні гэтага года. Але пасля рост асноўнага біткойна аднавіўся і працягваецца.
Каментары