Грамадства11

Прапаганда кпіць з колькасці зняволеных у Польшчы, забыўшыся паглядзець на беларускія турмы

«Пра перапоўненасць пенітэнцыярнай сістэмы можна з упэўненасцю казаць, калі паказчык складае больш за 100 чалавек на 100 000 жыхароў. То бок, у іх там перагрузка мінімум удвая», — перажываюць за Польшчу прапагандысцкія «Жоўтыя злівы». Але яны прамаўчалі пра Беларусь.

Еўрастат апублікаваў даныя па колькасці зняволеных у турмах. 

У 2023 годзе ў ЕС было каля 499 000 зняволеных, што на 3,2% больш у параўнанні з 2022 годам. На 100 000 чалавек прыпадала 111 зняволеных, што крыху больш, чым у 2022 годзе, калі гэты паказчык складаў 108.

У перыяд з 1993 па 2023 год найбольшая колькасць зняволеных была зафіксавана ў 2012 годзе (553 000 зняволеных). 

Пры параўнанні краін ЕС, найвышэйшы ўзровень зняволеных на 100 000 чалавек у 2023 годзе быў у Польшчы (203), за ёй ідуць Венгрыя (187) і Чэхія (181). 

З гэтай нагоды выбухнула радасцю прапаганда. 

«Ура, таварышы! Польшча зноў першая! Краіна ўпэўнена лідзіруе ў еўрапейскім рэйтынгу па колькасці зняволеных. Паводле звестак Еўрастата, у 2023 годзе Польшча зафіксавала самы высокі сярод краін Еўразвязу паказчык колькасці зняволеных у пераліку на 100 000 жыхароў — 203 чалавекі.

Пішуць, што пра перапоўненасць пенітэнцыярнай сістэмы можна з упэўненасцю казаць, калі паказчык складае больш за 100 чалавек на 100 000 жыхароў. То-бок у іх там перагрузка мінімум удвая. Для краіны, якая суседзяў называе «канцлагерам», так сабе паказчык», — пішуць «Злівы».

Але што з перагрузкай айчыннай пенітэнцыярнай сістэмы? Дакладныя звесткі па колькасці зняволеных Белстат цяпер не публікуе.

Кіраўнік Адміністрацыі Дзмітрый Круты днямі сказаў, што ў Беларусі за кратамі ўтрымліваюцца каля 20 тысяч чалавек. Нават калі ён назваў праўдзівую лічбу, у чым ёсць сумневы, то атрымліваецца, што ў Беларусі на 100 тысяч чалавек прыходзіцца 220 вязняў. 

І калі ў Польшчы ў турмах знаходзяцца сапраўдныя злачынцы, то ў Беларусі — тысячы палітвязняў.

Каментары1

  • политзек
    06.05.2025
    не говоря о том. что в беларуси не тюрьмы, а пыточные.
    в ИВС и СИЗО - грязь, холод, вонь, грибок, антигуманные условия, в колониях получше, но принудительный бестолковый труд за 1-5 рублей в месяц. там ты "никто" и звать тебя "никак". медицины нет как класса. пытки в ШИЗО вполне буквальные. питание, примерно как и у вертухайских собак. доступ к информации закрыт, к общению с родственниками очень жестко ограничен.
    этого всего в ЕС нет. да, не санаторий, но все чисто, аккуратно, доступ к информации, общению с родственниками, нормальное питание.
    разница, как между каторгой и вольным поселением.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць