«Я — пехацінец». Кадыраў заявіў, што ягоныя словы пра адстаўку не так зразумелі
Кажа, што ягоны лёс залежыць ад Уладзіміра Пуціна.
Кіраўнік Чачні Рамзан Кадыраў заявіў, што ягоныя словы аб адстаўцы няправільна зразумелі.
Кадыраў напісаў у тэлеграме, што ягоны лёс залежыць ад рашэння Уладзіміра Пуціна.
«Многія не зразумелі сэнс маіх слоў аб адстаўцы. Я не вырашаю, буду я заставацца на пасадзе кіраўніка Чачэнскай рэспублікі ці не.
Так, я магу прасіць або прапаноўваць. Але як бы я ні казаў, як бы ні прасіў, такое рашэнне прымае толькі адзін чалавек — наш Вярхоўны галоўнакамандуючы, прэзідэнт Расіі Уладзімір Уладзіміравіч Пуцін», — напісаў Кадыраў.
Ён дадаў, што з'яўляецца «пехацінцам і камандным чалавекам» і выконвае загады.
Кадыраў 5 мая адказаў на пытанне падкантрольнага ўладам Чачні інфармацыйнага агенцтва «Чачня сёння» адносна чутак пра ягоную адстаўку.
«Я таксама чуў гэтыя чуткі. Пішуць рознае. Я, наадварот, сам прашу, каб мяне вызвалілі ад пасады. У іншага будуць свае ініцыятывы, сваё бачанне. Спадзяюся, што маю просьбу падтрымаюць», — сказаў Кадыраў.
Пры гэтым журналісты адзначылі, што ён рэгулярна гаворыць пра адстаўку апошнія дзесяць гадоў.
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары