На Лідскім возеры перакулілася байдарка: матросы выратавалі васьмікласніка
Учора ўвечары супрацоўнікі Лідскай выратавальнай станцыі Таварыства выратавання на водах на Лідскім возеры на абсталяваным пляжы выратавалі юнака 2011 года нараджэння.
Падчас трэніровачнага заплыву на байдарцы юнак па неасцярожнасці перакуліўся на адлегласці 70 метраў ад берага. Ён быў у выратавальнай камізэльцы.
У гэты момант на пірсе знаходзіліся матросы, якія, убачыўшы хлопца, падплылі на маторнай лодцы і даставілі яго на бераг. Медсястра станцыі агледзела школьніка, медыцынская дапамога яму не спатрэбілася.
«Падчас дзяжурства мы з Яўгенам Клышэйкам Яўгенам атрымалі сігнал ад вахцёра-назіральніка пра тое, што дзіця апынулася ў вадзе. Мы выйшлі на катары да месца здарэння, паднялі дзіця на борт, супакоілі, запэўнілі, што ўсё пад кантролем. Даставілі на выратавальную станцыю, дзе старшая медсястра Вольга Мядзведзеваа правяла агляд. Была апавешчана хуткая дапамога, але, на шчасце, яе ўмяшанне не спатрэбілася», — расказаў Сяргей Пашынскі, вадалаз Лідскай выратавальнай станцыі
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары