Аргкамітэт Пулітцэраўскай прэміі абвясціў лаўрэатаў 2025 года. Прэмія прысуджаецца з 1917 года больш як у 20 намінацыях.
Лаўрэатам прэміі ў жанры нон-фікшн стала кніга Бенджаміна Натанса «За поспех нашай безнадзейнай справы: Мноства жыццяў савецкага дысідэнцкага руху».
Газета The New York Times атрымала чатыры ўзнагароды, у тым ліку за рэпартажы пра канфлікт у Судане і матэрыял пра ваенныя дзеянні ЗША ў Афганістане, піша DW — Belarus.
Таксама прэмію атрымаў фатограф NYT Даг Мілс за фота, зробленае ў момант замаху на Дональда Трампа летам 2024 года: у кадр трапіла куля, што ляцела ў палітыка.
Doug Mills, un fotógrafo de The New York Times, pareció captar una imagen de una bala pasando junto a la cabeza de Donald Trump, según ha declarado un ex agente del FBI. https://t.co/pMUCrbmljs
Акрамя таго, журы ўзнагародзіла газету The Wall Street Journal за матэрыял пра блізкага саюзніка Трампа Ілана Маска і яго ўзыходжанне на палітычны Алімп.
У сваю чаргу, найлепшай мастачкай-карыкатурысткай была прызнаная Эн Тэлнас, якая пакінула Washington Post пасля 17 гадоў супрацоўніцтва, паколькі газета адмовілася публікаваць яе карыкатуру з крытыкай Дональда Трампа.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары