Кіраўнік самаабвешчанай Луганскай народнай рэспублікі (ЛНР) Ігар Платніцкі пакінуў Луганск і ў цяперашні час знаходзіцца ў Расіі. Пра гэта напісаў у сваім фэйсбуку кіраўнік дэпартамента камунікацыі МУС Украіны Арцём Шаўчэнка.
Кіраўнік падраздзялення ўкраінскіх праваахоўнікаў адзначыў, што даведаўся пра гэта ад сваіх крыніц.
«Паводле дадзеных маіх крыніц, лідэр луганскіх тэрарыстаў Ігар «Платва» Платніцкі збег у Расію. Павукі ў слоіку працягваюць жэрці адзін аднаго», - напісаў Шаўчэнка ў сацыяльнай сетцы.
Таксама аб ад'ездзе Платніцкага ў Расію паведамляе «ССП-1492news» са спасылкай на ўкраінскага журналіста Сяргея Іванова, якому, у сваю чаргу, пра гэта таксама распавялі крыніцы. Па словах журналіста, кіраўнік ЛНР пакінуў сваю сям'ю ў Варонежы, а сам перамясціўся у памежны горад Данецк у Растоўскай вобласці.
Каментары