СБУ забіла кілераў, якія застрэлілі палкоўніка Службы бяспекі ў Кіеве
Кіраўнік СБУ Васіль Малюк запісаў відэа пра гэта на фоне целаў, як ён кажа, агентаў ФСБ.
Спецаперацыяй па пошуку забойцаў украінскага абаронцы асабіста кіраваў кіраўнік СБУ Васіль Малюк.
«Агентурна-баявая група ФСБ РФ была загадзя накіравана ва Украіну і тры дні таму здзейсніла забойства супрацоўніка СБУ. У выніку правядзення сакрэтных пошукавых, актыўна-контрвыведвальных мерапрыемстваў варожае лежбішча было выяўлена.
Падчас затрымання яны пачалі супраціў, адбыўся агнявы кантакт, таму нягоднікі былі ліквідаваныя. Хачу нагадаць, што адзіная перспектыва для ворага на тэрыторыі Украіны — гэта смерць!» — кажа на відэа Малюк.
Па інфармацыі СБУ, забойства 50-гадовага палкоўніка СБУ Івана Вароніча здзейснілі двое асоб — мужчына і жанчына. Ніякіх падрабязнасцяў пра асоб ён не сказаў.
Яны сачылі за супрацоўнікам СБУ, вызначылі яго распарадак дня і маршруты перамяшчэння. Затым кілерам перадалі каардынаты схованкі, дзе знаходзіўся пісталет з глушыльнікам.
Здзейсніўшы забойства палкоўніка Службы бяспекі, кілеры спрабавалі «залегчы на дне». Але супрацоўнікі СБУ і Нацпаліцыі вызначылі іх месцазнаходжанне на Кіеўшчыне.
Сёння зранку была праведзеная спецаперацыя, падчас якой меркаваныя кілеры былі забітыя.
50-гадовага палкоўніка СБУ невядомы расстраляў у цэнтры Кіева з пісталета з глушыцелем 10 ліпеня. У раёне 9:00 невядомы падбег да 50-гадовага Івана Вароніча на вуліцы і пяць разоў стрэліў з пісталета з глушыцелем. Пасля чаго ўцёк. Палкоўнік атрымаў цяжкія раненні і памёр на месцы.
Выданне The New York Times, спасылаючыся на былога калегу загінулага піша, што Іван Вароніч пасля ўступлення ў СБУ ў сярэдзіне 1990-х гадоў камандаваў падраздзяленнем спецыяльных аперацый. Ён кіраваў групай, якая ліквідавала «Матаролу».
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары