Грамадства77

Беспрацоўных ужо выклікаюць у міліцыю позвамі — чаму гэта незаконна

Міліцыя ў Беларусі, працягваючы «адпрацоўваць» грамадзян, што трапілі ў спісы «не занятых у эканоміцы», перайшла на новы ўзровень. На так званыя «групавыя прафілактычныя мерапрыемствы» ў РАУС, дзе беспрацоўных прымушаюць уладкоўвацца на працу афіцыйна, пачалі выклікаць не паведамленнямі пра яўку, як раней, а канкрэтна позвамі, піша «Флагшток».

Фота: «Авангард»

Прынамсі, так робяць у АУС адміністрацыі Цэнтральнага раёна Гомеля, расказаў «Флагштоку» жыхар абласнога цэнтра і паказаў фота позвы. У ёй пазначана, што грамадзяніну неабходна з’явіцца ў РАУС у канкрэтныя дату і час у якасці «прафілактыруемага».

Ніжэй указаны наступствы няяўкі. Сцвярджаецца, што ў выпадку няяўкі можа наступіць адміністрацыйная адказнасць паводле арт. 24.3 КаАП — непадпарадкаванне законнаму распараджэнню або патрабаванню службовай асобы пры выкананні ёю службовых паўнамоцтваў. Падкрэсліваецца, што гэта «цягне накладанне штрафу ў памеры ад дзвюх да ста базавых велічынь, або грамадскія работы, або адміністрацыйны арышт».

Такую позву атрымаў гамяльчанін, які сцвярджае, што не быў судзімы, не здзяйсняў правапарушэнняў, не стаіць ні на якіх уліках

Верагодна, форму позвы для выкліку «дармаедаў» на «групавыя прафілактычныя мерапрыемствы» міліцыя пачала выкарыстоўваць для запалохвання, пагражаючы адміністрацыйнай адказнасцю.

Але ў артыкуле КаАП гаворка ідзе пра непадпарадкаванне законнаму распараджэнню або патрабаванню, а дадзенае патрабаванне міліцыі незаконнае. Сілавікі не маюць права выклікаць грамадзяніна позвай толькі на падставе таго, што ён з’яўляецца афіцыйна беспрацоўным.

Раней «Гомельская вясна» прыводзіла каментар юрысткі, якая падкрэслівала, што ні крымінальны, ні адміністрацыйны кодэксы не прадугледжваюць адказнасці за беспрацоўе:

«Канстытуцыя гарантуе свабоду працы. Выклікаць чалавека ў РАУС толькі таму, што ён не працуе, незаконна. Гэта перавышэнне службовых паўнамоцтваў».

Юрыстка патлумачыла, што сам факт беспрацоўя не з’яўляецца правапарушэннем, што міліцыя можа выклікаць грамадзяніна толькі ў межах адміністрацыйнага або крымінальнага працэсу і толькі праз афіцыйную позву, а людзі, што зарэгістраваліся як беспрацоўныя, павінны выконваць патрабаванні цэнтра занятасці — але не РАУС.

Масавая «адпрацоўка» міліцыяй тых грамадзян, што трапілі ў базу «не занятых у эканоміцы», праводзіцца з 1 красавіка 2025 года МУС сумесна з Камітэтам па працы, занятасці і сацыяльнай абароне. Гэта адбываецца ў рамках «Комплексу дадатковых мер па аказанні прафілактычнага ўздзеяння на працаздольных грамадзян, не занятых у эканоміцы».

Каментары7

  • мик
    14.07.2025
    Так это ещё не всё. Они там угрожали безработным садить на сутки, если они не устроятся на работу. Беспредел на беспределе и беспределом погоняет.
  • даведка
    14.07.2025
    Они и до этого вручали уведомления под роспись и запись на видеорегистратор...
    Кстати, недавнее жестокое убийство ко Дню независимости в Щучине произошло во время проведения вриод министра внутренних дел Назаренко совещания по профилактике рецидивной преступности и лицам, незанятым в экономике. И пока генералы и полковники МВД там совещались, ранее судимые лица 19 и 20 лет жестоко убивали в центре города собственного дядю одного из них...
  • Чемоданова
    14.07.2025
    Валет сделал сутки платными. Откуда деньги у безработных? Оплату пусть вертухаи всем коллективом делают .

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць