Прэс‑сакратар прэзідэнта Расіі пракаментаваў правядзенне ў Эстоніі першых баявых стрэльбаў рэактыўных сістэм залпавага агню HIMARS, піша Расійская служба Радыё Свабода.
«Балтыка дзякуючы агрэсіўнай палітыцы прыбярэжных дзяржаў Еўропы — рэгіён, дзе пануе напружанасць. Расія мае намер цвёрда адстойваць свае законныя інтарэсы ў гэтым рэгіёне. Расія — гэта Балтыйская дзяржава. Тое, што многія краіны займаюцца там правакацыйнымі дзеяннямі, — гэта таксама з’яўляецца відавочнай рэальнасцю», — сказаў Пяскоў.
Стрэльбы ў Эстоніі, за трыста кіламетраў ад Пецярбурга, былі праведзены 11 ліпеня.
«Пасля чатырох месяцаў вучэнняў эстонскія войскі ў пятніцу правялі першыя ў краіне баявыя стрэлы ракетамі HIMARS. Паводле даных Сіл абароны Эстоніі (EDF), кожная ракета паразіла нізкамаштабную цэль на адлегласці да 15 кіламетраў у моры», — гаворыцца ў паведамленні эстонскай тэлерадыёвяшчальнай кампаніі ERR. Міністэрства абароны Эстоніі назвала стрэльбы «гістарычнай падзеяй».
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары