У новым выпуску ТОКу вядомы доктар Андрусь Белавешкін, кандыдат медыцынскіх навук і аўтар некалькіх кніг пра здаровы лад жыцця і харчаванне, назваў прычыну таго, чаму ўсё часцей паталагічныя працэсы запускаюцца ў маладым арганізме.
Белавешкін адзначае, што ў сучасных дзяцей і падлеткаў назіраецца ранейшае палавое паспяванне. А галоўная прычына як ранняга палавога паспявання, так і ранняга захворвання — нездаровы лад жыцця.
«Ранняе палавое паспяванне і ранні дыябет — гэта два бакі аднаго медаля. Таму што празмернае пераяданне, пачынаючы яшчэ з дзяцінства, проста запускае раней [працэсы]. Таму што, напрыклад, у дзяўчынак палавое паспяванне пачынаецца, калі яны набіраюць крытычную масу тлушчу».
Той самы механізм працуе і ў хлопчыкаў — тлушч запускае гарманальныя змены раней за фізіялагічную гатоўнасць.
Такім чынам, працягвае эксперт, калі чалавек мае лішнюю вагу ўжо ў дзяцінстве, «а не пасля 25 ён пачаў са стрэсу нешта заядаць», то ён сутыкнецца з развіццём праблем, звязаных з атлусценнем, раней на 5—10 гадоў.
«Атлусценне — гэта не проста касметычны нейкі недахоп, гэта рызыка і дыябету, і дэменцыі, і хваробы сэрца, і яно павялічвае рызыку амаль 15 відаў рака», — даводзіць Белавешкін.
Як тлумачыць доктар, лішні тлушч — гэта «гарманальна актыўны орган».
«У мужчын, напрыклад, чым шырэй талія, тым ніжэйшы ўзровень тэстастэрону. А ў жанчын наадварот, у іх унутраны тлушч павялічвае ўзровень андрагенаў».
У выніку, па словах Белавешкіна, гэта стварае гарманальны дысбаланс, які прыводзіць да праблем з фертыльнасцю.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
ПС. А таліі ў людзей былі рознымі дзясяткі тысяч гадоў, таксама, як і вага, сэксуальнае высьпяваньне, і дтп. Былі рознымі ўвесь той час, калі ўзрост тых, памаладзеўшых цяпер, хваробаў ня зьведваў нейкіх пераменаў... Бо адно другога ня тычылася, і ня тычыцца, ніяк і зусім.
Большасць хвароб не сталі маладзейшымі, а іх-х папросту сталі дыягназаваць на ранніх стадыях. Нейкую трызну пра ідэальны сьвет, дзе ўсе адмовяцца ад псіхаактыўных рэчываў нафантазаваў, перакруціў эксперымент з пацуком.
Але большасць прэтэнзій да Насты, бо яна яму здавалася пытанні, якія тычацца сістэмы аховы здароўя, а трэба было пытацца аб прафілактыцы хваробаў. Бо ў арганізацыі аховы здароўя Андрэй не з'яўляецца спецыялістам.