Супрацоўнікі фірмы (9 рэгіянальных прадстаўнікоў, дырэктар і намесьнік) былі затрыманыя ў жніўні па падазрэньні ў датычнасьці да выбуху ў Мінску 4 ліпеня. 28 жніўня ім прад’явілі абвінавачваньне. Ужо ва ўкрыцьці даходаў і нясплаце падаткаў.
У следчы ізалятар Жодзіна перавялі ў суботу 11 супрацоўнікаў фірмы‑імпарцёра соку «Садочок». Дагэтуль яны знаходзіліся ў мінскім следчым ізалятары.
Нагадаем, супрацоўнікі фірмы «Владпродимпорт» (9 рэгіянальных прадстаўнікоў, дырэктар і намеснік) былі затрыманыя ў жніўні па падазрэнні ў датычнасці да выбуху ў Мінску 4 ліпеня.
Без прад’яўлення абвінавачвання і іншых следчых дзеянняў арыштаваныя знаходзіліся за кратамі 10 дзён. 28 жніўня ім прад’явілі абвінавачванне. Але ўжо ва ўкрыцці даходаў і няплаце падаткаў.
Сваякі затрыманых напісалі ліст на імя кіраўніцтва Адміністрацыі прэзідэнта і Рады бяспекі з просьбай разабрацца ў сітуацыі.
Адказы ўжо прыйшлі. Вось што паведаміў Еўрарадыё бацька арыштаванага рэгіянальнага прадстаўніка фірмы ў Баранавічах Віктар Дранюк:
«Яны «адпісаліся». Адміністрацыя прэзідэнта адправіла заяву ў міліцэйскае ведамства г. зн. тым, на каго скардзімся. Ну а Саўбез адправіў ліст у пракуратуру, а Генпракуратура адправіла ў Мінскую гарадскую пракуратуру. І пакуль канчатковага адказу ніхто нам не даў».
Тым часам, паводле Віктара Дранюка, у справе «Садочка» выявілася раней невядомая дэталь:
«Ёсць яшчэ адна падобная фірма ў Беларусі, якая пастаўляе такія ж сокі.Я пакуль яе не буду называць, але ведаю яе назву. І якраз тая фірма, пра якую я гавару, пастаўляла іх кантрабандай, гандлявала па «чорным» за наяўныя».
Гэтую другую фірму праваахоўныя органы чамусьці не чапаюць, хоць усё і ведаюць, падкрэслівае Дранюк.
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага5
Каментары