Будуць рэгуляваць цэны на ўласную прадукцыю, якую робяць гандлёвыя сеткі
У Беларусі пашыраць дзяржаўнае рэгуляванне цэн на прадукцыю ўласнай вытворчасці, якую выпускаюць аб'екты грамадскага харчавання пры гандлёвых сетках, паведаміў намеснік міністра антыманапольнага рэгулявання і гандлю Алег Дзікун.
Новыя правілы закрануць шэраг папулярных тавараў, у тым ліку хлебабулачныя вырабы, раздзелку мяса, курыцы і рыбы, а таксама маласольную рыбу, якая вырабляецца непасрэдна ў крамах.
Як растлумачылі ў Міністэрстве антыманапольнага рэгулявання і гандлю, такое рашэнне прынята пасля зваротаў грамадзян. Пакупнікі звярталі ўвагу, што прадукцыя, вырабленая ў гандлёвых сетках, часта каштуе значна даражэй за аналагічныя тавары ў фірмовых крамах вытворцаў.
Згодна з новымі нормамі, пры продажы такой прадукцыі праз рознічны гандаль нацэнка аб'ектаў грамадскага харчавання не павінна перавышаць 10%.
Адпаведныя змены ў сістэму дзяржаўнага рэгулявання цэн зацверджаныя пастановай урада ад 10 ліпеня. Новыя патрабаванні пачнуць дзейнічаць праз дзесяць дзён пасля афіцыйнага апублікавання дакумента.
Урад значна скараціў пералік тавараў, на якія рэгулююцца цэны
Лукашэнка: У Беларусі трэба настойліва пераходзіць на ацяпленне пелетамі, газ — толькі як рэзерв
«Сардэчна запрашаем адсюль». Расіяніну прапанавалі працу ў Мінску за 4000 рублёў, але гэтага яму падалося мала
Цэны на малочнае ў свеце зніжаюцца
Каментары