Навукоўцы змясцілі копію «мозга» чарвяка ў робата «Лега» — і той пачаў рухацца ВІДЭА
Міжнародная каманда даследчыкаў праекта OpenWorm змясціла «мозг» круглага чарвяка ў Lego-робата. Для гэтага аўтары працы склалі карту сувязяў паміж 302 нейронамі чарвяка, а затым зымітавалі іх у камп'ютарнай праграме, піша Science Alert.
Даследчыкі здолелі змадэляваць мозг чарвяка ў лічбавым фармаце і загрузіць яго ў робата.
Гэты робат Lego мае ўсе неабходныя часткі, эквівалентныя часткам цела чарвяка: санарны датчык, які дзейнічае ў якасці нюхальнай сістэмы, і набор маторчыкаў, якія выконваюць функцыю маторных нейронаў, з кожнага боку яго цела.
Дзіўна, але без якіх-небудзь загадзя ўнесеных запраграмаваных інструкцый лічбавая версія нейроннае сістэмы чарвяка Caenorhabditis elegans сапраўды здольная кіраваць робатам.
«Робат здольны паводзіць сябе аналагічна жывым Caenorhabditis elegans. Знешняя стымуляцыя датчыка, які сімулюе яго орган нюху, прымушае робата спыніцца. Дакрананне да пярэдніх і задніх сэнсарных датчыкаў, а таксама стымуляцыя сэнсара, які адказвае за харчовую сістэму, прымушае яго рухацца наперад або назад», — адзначаюць распрацоўшчыкі.
C.elegans даўжынёй каля 1 мм мае адну з самых «простых» нервовых сістэм: дарослая асобіна складаецца з 959 клетак і мае ўсяго 302 нейроны, сувязі паміж якімі былі цалкам апісаныя. У сувязі з гэтым C. elegans з'яўляецца зручным аб'ектам для вывучэння механізмаў кіравання рухамі і перадачы сігналаў па нейронных сетках.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары