Apple упершыню прызналася ў наўмысным запавольванні працы старых iPhone
Кампанія Apple прызнала, што наўмысна зніжае хуткасць працы некаторых старых мадэляў iPhone, паведамляе TechCrunch.
У пачатку снежня некаторыя карыстальнікі смартфонаў кампаніі распавялі пра праблему запаволення працы старых мадэляў iPhone. Сапраўды выявілася, што смартфоны пачынаюць працаваць хутчэй пасля замены акумулятара.
У прэс-службе Apple адзначылі, што ўводзяць гэтую «функцыю» для таго, каб забяспечыць лепшую працу ўсталяваных у смартфонах акумулятараў.
Падкрэсліваецца, што абмежаванне дазваляе павысіць працягласць працы батарэі і перасцерагае ад праблемы з раптоўнымі адключэннямі апаратаў падчас халоднага надвор'я.
Пры гэтым, на думку прадстаўнікоў Apple, карыстальнікі ў большасці выпадкаў не заўважаюць паніжэнне тактавай частаты працэсараў.
«Летась мы дадалі гэтую функцыю ў iPhone 6, iPhone 6s і iPhone SE, каб прадухіліць самавольныя адключэнні. У бліжэйшы час яна з'явіцца і на iPhone 7 з выхадам абнаўлення iOS 11.2», — заявілі ў кампаніі.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары