Міністэрства аховы здароўя Украіны ініцыявала перагляд усіх дзейсных прававых актаў на наяўнасць гендарнай няроўнасці.
У сувязі з гэтым распрацаваны праект ведамаснага дакумента, які неўзабаве адменіць загад ад 29 снежня 1993 года «Аб пераліку цяжкіх работ і работ са шкоднымі і небяспечнымі ўмовамі працы, на якіх забараняецца выкарыстанне працы жанчын», паведамляе сайт міністэрства.
«Мы выступаем супраць любых абмежаванняў і за роўныя магчымасці для жанчын і мужчын. Таму і адбываецца перагляд дакументаў Міністэрства аховы здароўя на наяўнасць прыкмет дыскрымінацыі. Праект дакумента, які пазбаўляе сілу папярэдні, што ўключаў каля 450 відаў работ, размешчаны на афіцыйным сайце», — адзначыла Аксана Сівак, намеснік міністра аховы здароўя па пытаннях еўрапейскай інтэграцыі.
Што ўваходзіла ў спіс забароненых для жанчын работ:
- металаапрацоўка
- будаўнічыя, мантажныя і рамонтна-будаўнічыя работы
- горныя работы
- геолагаразведачныя і тапографа-геадэзічныя работы
- працы па здабычы нафты і газу
- працы па чорнай і каляровай металургіі
- рамонт абсталявання электрастанцый і сетак, электратэхнічная вытворчасць
- вытворчасць абразіваў
- радыётэхнічная і электронная вытворчасць
- агульныя прафесіі электроннай тэхнікі
- прафесіі хімічных вытворчасцяў
- прафесіі вытворчасцяў харчовай прадукцыі
- прафесіі тытунёва-махоркавай і ферментацыйнай вытворчасці
- працы на чыгуначным транспарце і метрапалітэне, аўтамабільным, марскім, рачным транспарце
- паліграфічная вытворчасць
- сельская гаспадарка
Па словах народнага дэпутата Украіны з падкамітэту па пытаннях гендарнай роўнасці і недыскрымінацыі парламенцкага Камітэта па пытаннях правоў чалавека, нацыянальных меншасцяў і міжнацыянальных адносін Ірыны Суславай, забароны былі ўведзеныя ў савецкія часы і засталіся Украіне ў спадчыну ад СССР.
Цяпер дакумент накіраваны на ўзгадненне з Мінсацпалітыкі, Мінэнергавугалю, Нацыянальнай Акадэміяй медыцынскіх навук Украіны, прафсаюзамі і працадаўцамі. Пасля праходжання ўсіх узгадненняў ён будзе накіраваны на дзяржаўную рэгістрацыю ў Мінюст. А пасля дзяржаўнай рэгістрацыі і афіцыйнага апублікавання дакумент уступіць у сілу.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары