Ці дарылі вам салодкі падарунак ад прафсаюза? А якія цукеркі там былі? Напішыце ў каменты, гэта важна
Ад савецкіх часоў на дзяржаўных прадпрыемствах існуе традыцыя дарыць салодкія падарункі супрацоўнікам, недзе — і іх дзецям.
Набываюцца такія падарункі прафсаюзнымі філіямі, якія існуюць за кошт унёскаў.
Але тут стаіць пытанне празрыстасці закупаў гэтых цукерак: чаму купляюцца тыя, а не іншыя?
Напрыклад, нам даслалі фота з Баранавіч, якое ілюструе паходжанне падарункаў.
Ніводнай беларускай цукеркі ў іх няма! Толькі прадукцыя рэгіёнаў Расіі, якія і блізка не асацыююцца з кандытаркай: Чувашыя, Омская вобласць, Стаўрапальскі край і гэтак далей. Якасць іх нізкая.
Адметна, што гэтых расійскіх цукерак на паліцах беларускіх крам ты звычайна не знойдзеш, усплываюць яны толькі ў такіх вось «падарунках».
Таму нас зацікавілі механізмы закупак
Але для разумення нам трэба мець зрэз сітуацыі ў маштабах краіны: мы просім Вас, чытачы, даслаць у каменты назву вашага прадпрыемства і назвы фірмаў-вытворцаў цукерак, якія далі вам у падарунак, пазначыць іх краіну паходжання.
Калі маеце фота, до дасылайце іх на [email protected] з пазнакай «Цукеркі» або праз форму «Даслаць навіну» на сайце.
***
На тэлеграм-канал «Нашай Нівы» можна падпісацца тут.
Цяпер чытаюць
Начальнік міліцыі Брагіна страляў у сваю жонку. Яна цудам выжыла10
Каментары