«Формула-1» і FIA абвясцілі пра замену традыцыйных «грыд-гёрлз» на дзяцей — яны павінны будуць выносіць шыльды з нумарамі гоншчыкаў на старце, паведамляе Tjournal.
У аўташоу змогуць узяць удзел дзеці, якія займаюцца картынгам або ўдзельнічаюць у малодшых гоначных серыях. Выбарам зоймуцца прамоўтары Гран Пры і нацыянальныя аўтаклубы. Адбор будзе праходзіць як па спартыўных дасягненнях, так і па выніках латарэі.
Дзеці будуць трымаць таблічкі не толькі перад стартам гонак, але і на гонках падтрымкі. Камерцыйны дырэктар «Формулы-1» Шон Братчэс сказаў, што гэта — «найлепшы спосаб» натхніць новае пакаленне герояў «Формулы-1».
Кіраўнік FIA Жан Тодт дадаў, што дзякуючы ініцыятыве аўтамабільныя клубы, якія ўваходзяць у FIA, атрымаюць дадатковую падтрымку — яны змогуць даць маладым гоншчыкам магчымасць выступіць у нацыянальных серыях.
Чытайце таксама:
«Мы не расхаджвалі па трэку ў станіках». Мадэлі «Формулы-1» моцна незадаволеныя тым, што засталіся без працы праз фемінізм
«Формула-1» адмовілася ад дзяўчат-мадэляў на стартавай пляцоўцы
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам18
Каментары