У жыхароў гістарычнай часткі Магілёва пачалі без апавяшчэння здымаць спадарожнікавыя антэны
Магілёўскае ЖЭУ-1 пайшло на жорсткія меры: сёння ва ўласнікаў кватэр у гістарычнай частцы Магілёва без папярэджання знялі ўсталяваныя самавольна антэны-«талеркі», паведамляе «Магілёў-анлайн».
Устаноўка антэн, кандыцыянераў і іншых канструкцый на фасадах у гістарычным цэнтры горада выключна па ўзгадненні з гарадскімі ўладамі — гэта агульнапрынятая сусветная практыка, а ў многіх краінах такая ўстаноўка наогул забароненая.
З іншага боку, у Беларусі пакуль падобныя жорсткія меры амаль не практыкуюцца, а сацыяльныя сеткі Магілёва літаральна мільгаюць фотаздымкамі камунальных праблем, у дачыненні да якіх тыднямі, а то і месяцамі з боку гарадскіх службаў няма ніякай рэакцыі.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары