Міжнародныя рэзервовыя актывы Рэспублікі Беларусь на 1 лютага 2018 года, па папярэдніх даных, склалі 6 477,4 млн. даляраў ЗША (у эквіваленце), паведамляе прэс-служба Нацбанка
За студзень 2018 года золатавалютныя рэзервы знізіліся на 837,9 млн. даляраў ЗША (на 11,5 працэнта).
Зніжэнне ўзроўню міжнародных рэзервовых актываў па выніках студзеня абумоўлена планавым пагашэннем Урадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце на агульную суму каля 1,4 млрд. даляраў ЗША, з якіх 835,8 млн. даляраў ЗША склалі абавязацельствы Рэспублікі Беларусь па дзяржаўных аблігацыях, размешчаных на міжнародным фінансавым рынку.
Падтрыманню ўзроўню золатавалютных рэзерваў у студзені спрыялі паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, паступленне сродкаў ад продажу Нацыянальным банкам і Міністэрствам фінансаў аблігацый, намініраваных у замежнай валюце. Станоўчы ўплыў на ўзровень рэзерваў таксама аказала павелічэнне кошту манетарнага золата.
За 2017 год золатавалютныя рэзервы Рэспублікі Беларусь у вызначэнні ССРД МВФ павялічыліся на 2,4 млрд. даляраў ЗША (на 48,5 працэнта) — да 7 315,3 млн. даляраў ЗША (у эквіваленце).
Згодна з Асноўнымі напрамкамі грашова-крэдытнай палітыкі на 2018 год аб'ём міжнародных рэзервовых актываў на 1 студзеня 2019 года з улікам пагашэння Урадам Рэспублікі Беларусь і Нацыянальным банкам унутраных і знешніх абавязацельстваў у замежнай валюце павінен скласці не менш за 6 млрд даляраў ЗША.
Каментары