У Аўстраліі вярнулі кнігу ў бібліятэку праз 150 гадоў пасля таго, як яе адтуль узялі
Выданне пад назвай The Antiquities of Athens («Старажытнасці Афінаў») было знойдзена падчас рамонту старога дома ў горадзе Кіяма на паўднёвым узбярэжжы штата Новы Паўднёвы Уэльс. Сям'я, якая займалася рэканструкцыяй будынка, знайшла кнігу ў дымавым корабе каміна, піша выданне abc.net.au.
Кіраўніца бібліятэкі Кіямы Мішэль Хадсан расказала, што ўладальнікі дома не ведаюць, як кніга туды трапіла, але вырашылі перадаць яе назад бібліятэцы, бо лічылі выданне каштоўным.
Нягледзячы на некаторыя пашкоджанні, кніга захавалася ў добрым стане. Унутры яе засталася пячатка бібліятэкі, а таксама старыя правілы карыстання: час працы, умовы выдачы кніг і сума штрафу за пратэрміноўку.
Паводле падлікаў супрацоўнікаў бібліятэкі, калі б дзейнічаў стары штраф — тры пенсы за кожны тыдзень пратэрміноўкі — сума доўгу за 150 гадоў склала б каля 28 тысяч аўстралійскіх даляраў (каля 19,6 тысячы даляраў ЗША) з улікам інфляцыі. Аднак цяпер бібліятэка штрафы за несвоечасовае вяртанне кніг не спаганяе.
Вернутае выданне было надрукавана ў 1858 годзе і змяшчае каля 70 чорна-белых ілюстрацый, у тым ліку старонкі з вялікімі разваротнымі схемамі.
Гэту кнігу больш не будуць выдаваць чытачам. Яе перададуць у спецыяльную гістарычную калекцыю бібліятэкі, дзе яна будзе захоўвацца ў спецыяльнай архіўнай скрынцы.
У Мірскім замку аднавілі італьянскі сад XVIII стагоддзя. Ён адкрыецца ўжо ў верасні
На даху Нацыянальнай бібліятэкі зладзілі вечарыну з відам на Мінск. Вось як гэта было ШМАТ ФОТА
70‑гадовы пенсіянер выдаў свой першы раман сам. «Тэа з Голдэна» стаў бестсэлерам
У Германіі ў адной са старых кніг неспадзявана знайшлі дарчы надпіс Альберта Эйнштэйна
Каментары