Кіраўніца пахавальнага агенцтва Fenix Шарлота Руніус з Швецыі шукае добраахвотнікаў для праекта, які дазволіць «паразмаўляць з нябожчыкам», піша Dagen.
З дапамогай штучнага інтэлекта яна разлічвае стварыць бота — праграму, якая будзе ствараць лічбавыя копіі памерлых людзей.
«Сёння мы часта размаўляем з такімі робатамі ў інтэрнэце. Мы можам думаць, што мы гаворым з чалавекам, але гэта не заўсёды так», — кажа пані Шарлота, маючы на ўвазе, што, напрыклад, розныя інтэрнэт-крамы выкарыстоўваюць ботаў для адказаў на пытанні пакупнікоў у пісьмовым чаце на сайце.
Як лічаць у пахавальным бюро Fenix, з дапамогай такога робата можна было б весці з нябожчыкам простыя гутаркі, размаўляць пра надвор'е або ежу. Але пры цяперашніх здольнасцях камп'ютараў немагчыма будзе абмеркаваць з ім падзеі, што адбыліся пасля ягонае смерці.
На думку Шарлоты Руніус, гэты праект — толькі развіццё таго, што было раней: спачатку ўспаміны пра памерлых захоўваліся ў выглядзе карцін або перапіскі з імі, затым фотаздымкаў, потым відэаролікаў. Надышоў час вывесці ўспаміны на новы ўзровень.
Для рэалізацыі праекта трэба запісаць галасы жывых людзей, якія чытаюць розныя тэксты з рознай інтанацыяй, эмоцыямі, гучнасцю. Пасля іх смерці можна будзе выкарыстоўваць гэты матэрыял для агучвання іх ботаў.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары