Вось як выглядалі дзеці на лінейцы ў той самай баранавіцкай школе — «астраўку Паўночнай Карэі» ФОТЫ
Напярэдадні 1 верасня баранавіцкая школа №1 імя Сяргея Грыцаўца нарабіла шуму суровымі патрабаваннямі да выгляду вучняў: ніякіх яркіх прычосак, макіяжу, манікюру і кідкіх аксесуараў. Як выглядалі дзеці там сёння, паказала раёнка «Наш край».
За некалькі дзён да пачатку навучальнага года сярэдняя школа №1 імя Сяргея Грыцаўца апублікавала асобныя правілы знешняга выгляду для хлопцаў і дзяўчат. Хлопцам забаранілі доўгія валасы, яркія прычоскі, выстрыганне ўзораў на галаве і нават сродкі для ўкладкі, якія робяць выгляд «занадта заўважным». Дзяўчат абавязалі збіраць доўгія валасы ў хвост або касу, адмовіцца ад макіяжу, яркага манікюру, буйных завушніц і іншых кідкіх аксесуараў.
Гэтыя патрабаванні выклікалі хвалю абурэння. Беларусы параўноўвалі школу з «астраўком Паўночнай Карэі» і пісалі, што дзяцей спрабуюць загнаць у шаблоны.
Аднак на фотаздымках і на відэа з лінейкі бачна, што дзеці ўсё ж выглядалі па-рознаму. Хтосьці — даволі строга, хтосьці — больш святочна.
Затое сама ўрачыстасць атрымалася моцна насычанай ідэалогіяй — з пракурорам, дэпутатам, вайсковым аркестрам і чырвона-зялёнымі колерамі.
Мінскія ўлады расказалі, як будуць змагацца з «акіянам аўтамабіляў» у дварах2
Каментары