Кампанія «Транснафта» разглядае магчымасць будаўніцтва нафтапрадуктаправоду да порта Усць-Луга для транспарціроўкі дызельнага паліва з беларускіх НПЗ, паведамляе агенцтва RNS.
«Мы абмяркоўваем з «Транснафтай» магчымасць прыходу да нас дызельнай трубы — гіпатэтычна такая магчымасць ёсць», — адзначыў гендырэктар кампаніі «Усць-Луга Ойл» Канстанцін Хамлай.
Паводле яго слоў, ва Усць-Лузе ёсць магутнасці для дадатковай перавалкі 6-7 млн тон нафтапрадуктаў.
У той жа час віцэ-прэзідэнт «Транснафты» Сяргей Андронаў растлумачыў, што патэнцыйны аб'ём перавалкі беларускага дызпаліва пакуль не дазваляе эканамічна абгрунтаваць праект.
«Мы глядзелі магчымыя аб'ёмы, на ўзроўні 3,5-4 млн тон — гэта не дазваляе эканамічна абгрунтаваць гэты праект», — адзначыў Андронаў, дадаўшы, што гэтыя аб'ёмы больш эфектыўна пастаўляць па чыгунцы.
У цяперашні час беларускія НПЗ перапраўляюць нафтапрадукты ў асноўным праз парты краін Балтыі, аднак расійскае кіраўніцтва імкнецца пераканаць Беларусь карыстацца расійскімі партамі.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары