Амэрыканскага спэцыяліста Джыма Х’юза ў стырна хакейнага менскага «Дынама» зьменіць расейскі настаўнік бабруйскага «Шыньніка» і моладзевай зборнай Беларусі Васіль Сьпірыдонаў.
Амэрыканскага спэцыяліста Джыма Х’юза за стырном хакейнага менскага «Дынама» зьменіць расейскі настаўнік бабруйскага «Шыньніка» і моладзевай зборнай Беларусі Васіль Сьпірыдонаў.
Менскія «дынамаўцы» атрымалі ўжо сем паразаў запар (сёньня зафіксаваны пройгрыш ад чарапавецкай «Северсталі» — 3:7). Паводле кіраўніка фэдэрацыі і міністра ўнутраных справаў Уладзімера Навумава, няўдалыя вынікі сталі галоўнай прычынай адстаўкі амэрыканца. На сёньняшні дзень «Дынама» займае апошняе месца ў Кантынэнтальнай хакейнай лізе.
«У няўдачах «Дынама» мая віна. Я палічыў, што ў трэнэрскага і адміністрацыйнага штабоў дастаткова досьведу. Але цяпер вымушаны прызнаць, што памыліўся ў падборы кадраў. Што датычыць прызначэньня Сьпірыдонава, то адказнасьць за гэтае рашэньне бяру на сябе. Упэўнены, што ён справіцца», — сказаў У. Навумаў.
Гэта ўжо ня першая адстаўка сёлета ў «Дынама» на трэнэрскім мосьціку. Нагадаем, што яшчэ да пачатку сэзону быў звольнены амэрыканц Пол Гарднэр. Афіцыйная прычына — сямейныя абставіны, неафіцыйная — любоў да алькагольных напояў.
Прызначэньне Х’юза ў нейкай ступені выглядала нечаканым, бо трэнэр фактычна не працаваў самастойна на высокім узроўні. У Беларусь ён трапіў па пратэкцыі былога галоўнага трэнэра зборнай Курта Фрэйзэра. Крытыка Х’юза заключалася найперш у тым, што настаўнік выкарыстоўваў узроставых легіянэраў. Пры гэтым амаль не даваў шанцаў маладым айчынным хакеістам.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна9
Каментары