Масквічы папрасілі Пуціна перанесці будаўніцтва гасцявога комплексу для пасольства Беларусі
Жыхары Масквы, якія жывуць побач з Бітцаўскім лесам і сядзібай Вузкае, звярнуліся да Уладзіміра Пуціна, пратэстуючы супраць планаў будаўніцтва ў гэтай мясцовасці гасцявога комплексу пасольства Беларусі ў былой ахоўнай зоне, піша Astra.
«Мы вымушаныя звярнуцца да вас, бо мясцовыя органы ўлады не рэагуюць на нашы звароты і аргументы адносна захавання прыроды. […] Улады Масквы ўжо некалькі гадоў знішчаюць па ўсёй Маскве лясныя масівы», — гавораць мясцовыя жыхары ў сваім звароце.
Яны патрабуюць вярнуць зямлі статус прыроднай тэрыторыі пад асаблівай аховай, увесці мараторый на вывад зон з гэтага статусу па ўсёй Маскве, а таксама перанесці будаўніцтва гасцявога комплексу.
План будаўніцтва гасцявога комплексу для абслугоўвання афіцыйных дэлегацый Беларусі ў Расіі быў агучаны яшчэ ў 2013 годзе.
Тады намеснік міністра замежных спраў Беларусі Аляксандр Гур'янаў на пасяджэнні Палаты прадстаўнікоў прадставіў законапраект аб ратыфікацыі міжурадавага пагаднення, згодна з якім Беларусі даваўся ў арэнду зямельны ўчастак у раёне Ясенева на паўднёвым захадзе Масквы. Плошча ўчастка склала 5,8 га, і, як адзначаў Гур'янаў, на той момант ён знаходзіўся на прыроднай тэрыторыі пад асаблівай аховай.
Згодна з пагадненнем, участак будзе здадзены ў арэнду на 99 гадоў. Штогадовая арэндная плата пасля ўводу гасцявога комплексу ў эксплуатацыю складзе адзін расійскі рубель.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
"усяго" 70 тысяч расійцаў... а ўражанне такое, што іх тут 7 млн , а беларусаў 70 чалавек :/