Выпадак адбыўся ў Маладзечне 30 сакавіка напярэдадні Вялікадня, піша Рэгіянальная газета.
Каля 17.00 маладзечанка вярталася дамоў з працы. Ішла па скверы на вуліцы Міру побач з касцёлам.
На сцяжыне размінулася з мужчынам і тут жа адчула ўдар па галаве ззаду. Ад гэтага жанчына павалілася і невядомы стукнуў яе па галаве яшчэ некалькі разоў. Пасля выхапіў сумку і пабег ў бок вуліцы Міру.
Пацярпелая жанчына засталася на месцы. Хутка да яе падышоў іншы мужчына, спытаў што здарылася. Пацярпелая расказала яму і паказала на крыўдзіцеля, які ўжо перабег дарогу.
Мужчына яго дагнаў, затрымаў і выклікаў міліцыю.
— У сумцы ў жанчыны было 110 рублёў і 60 долараў, таксама нешта з дробнай маёмасці, — распавёў старшы маладзечанскага РАСК Юры Багушэвіч. — 2 красавіка мужчыну заключылі пад варту. Узбудзілі крымінальную справу па артыкуле «Разбой».
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?20
Каментары