Ва ўзросце 86 гадоў пасля непрацяглай хваробы памёр чэшскі і амерыканскі рэжысёр Мілаш Форман. За фільмы «Амадэй» і «Пралятаючы над гняздом зязюлі» амерыканская кінаакадэмія двойчы прызнавала яго найлепшым рэжысёрам года
У пятніцу, 13 красавіка, пасля непрацяглай хваробы памёр амерыканскі рэжысёр чэшскага паходжання Мілаш Форман, паведамляе The Hollywood Reporter.
Пра смерць рэжысёра распавяла яго жонка Марціна, у рэжысёра быў дом ва Уорэне, штат Канэктыкут.
Мілаш Форман нарадзіўся ў 1932 г. у горадзе Часлаў у Чэхаславакіі. Падчас Другой сусветнай вайны бацька Формана быў арыштаваны нацыстамі за распаўсюд забароненай літаратуры і забіты ў Бухенвальдзе. Маці загінула ў Асвенціме.
Пасля ўводу савецкіх войскаў у Чэхаславакію, у 1968 годзе, Форман эміграваў у ЗША.
Фільм «Пралятаючы над гняздом зязюлі» (1975) з Джэкам Нікалсанам у галоўнай ролі сабраў усе 5 галоўных прэмій Амерыканскай акадэміі кінамастацтваў «Оскар»: за найлепшую карціну, рэжысуру, найлепшы сцэнар, і гульню двух акцёраў.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары