«Маладая гвардыя Адзінай Расіі» будзе ствараць групы па 100—200 чалавек для навучання вулічным тэхналогіям і прыёмам масавай мабілізацыі на мітынгах у падтрымку ўлады і супрацьдзеянні апазіцыянерам у выпадку, калі яны пачнуць «кідацца камянямі». Пра гэта, як перадае карэспандэнт канала «Дождь», распавёў лідар арганізацыі Дзяніс Давыдаў.
У кожным рэгіёне, у першую чаргу ў Маскве, гарадах-мільённіках і праблемных для «Адзінай Расіі» гарадах, павінны з'явіцца групы па 100—200 чалавек, якія будуць здольныя «за гадзіну-дзве выйсці на вуліцу і выказаць сваё меркаванне па самых розных пытаннях», распавёў ён. Акрамя гэтага, на працягу сутак гвардзейцы павінны быць здольнымі вывесці на вуліцу паўтары тысячы чалавек.
У групы павінны ўвайсці ідэалагічна падкаваныя людзі, якія сочаць за СМІ і тэлеграм-каналамі, калі яны працягнуць існаванне, кажа Давыдаў.
«Калі апазіцыя пачне кідацца камянямі — уцякаць мы не маем права. Самі не кідаемся, але крыўдзіць нікога не дамо», — кажа Давыдаў. Паводле яго слоў, «гвардзейцы» павінны быць гатовымі ў тым ліку адказваць на такія падзеі, якія адбываліся на Майдане.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары