У Італіі кот атрымаў у спадчыну ад гаспадыні багацце ў 1,5 мільёна еўра, паведамляе мясцовае выданне Il Giornale di Vicenza.
Чэчылія Анна з Вероны, гаспадыня чорна-белага ката па мянушцы Пілу, ўсё жыццё працавала ў Савеце міністраў Італіі. Жанчына памерла ў 88 гадоў. У яе не было мужа і дзяцей, і незадоўга да смерці яна завяшчала ўсе свае грошы хатняму ўлюбёнцу, якога некалькі гадоў таму падабрала на вуліцы.
Багаццем Пілу распараджаюцца прадстаўнікі Фонду ўкладчыкаў. Згодна з воляй Анны, на гэтыя грошы кату павінны аказваць паслугі ветэрынара, забяспечваць камфортнае жыллё і задавальняць усе яго патрэбы. Цяпер жывёла жыве ў прытулку ў Мілане, аднак яму шукаюць новага ўладальніка. У яго не будзе права распараджацца багаццем ката, і ён будзе абавязаны даваць справаздачу за выдаткаваныя на яго сродкі.
Пасля смерці Пілу грошы дастануцца адной з зоаабарончых арганізацый.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары