ЗША і Іран увайшлі ў спіраль эскалацыі, зноў абмяняўшыся маштабнымі ваеннымі ўдарамі. Гэта адбылося ўсяго праз два тыдні пасля падпісання мірнага мемарандума, які павінен быў спыніць канфлікт і адкрыць стратэгічны Армузскі праліў. Абодва бакі вінавацяць адзін аднаго ў парушэнні рэжыму спынення агню.
Новая хваля пачалася пасля таго, як іранскі дрон атакаваў у Армузскім праліве гандлёвае судна пад сцягам Панамы. У адказ Цэнтральнае камандаванне ЗША (CENTCOM) нанесла начныя ўдары па 10 цэлях унутры Ірана, разбамбіўшы склады ракет, беспілотнікаў і сістэмы СПА.
U.S. Navy and Air Force fighter jets conducted strikes tonight on 10 Iranian military targets at multiple locations in and near the Strait of Hormuz for Iran's drone attack on M/T Kiku. pic.twitter.com/Z0TLZRqmF6
Дональд Трамп заявіў у Truth Social, што Тэгеран не выконвае дамоўленасці, і папярэдзіў: калі спатрэбіцца скончыць працу ваенным шляхам, «Ісламская Рэспубліка Іран больш не будзе існаваць».
Праз некалькі гадзін Іран адказаў ракетнымі ўдарамі і налётам дронаў на амерыканскія ваенныя базы ў Кувейце і Бахрэйне.
Корпус вартавых ісламскай рэвалюцыі (КВІР) заявіў пра знішчэнне васьмі важных аб'ектаў інфраструктуры ЗША і паабяцаў у бліжэйшыя дні зрабіць для амерыканскіх вайскоўцаў у рэгіёне «пекла». Інфармацыі пра ахвяры сярод персаналу ЗША пакуль няма.
Гэта ўжо другі абмен ударамі за апошнія суткі. Напружанасць пачала расці яшчэ 25 чэрвеня, калі Іран абстраляў сінгапурскі сухагруз за «несанкцыянаваны маршрут».
Віцэ-прэзідэнт ЗША Джэй Дзі Вэнс, які вёў перамовы з Іранам, заклікаў Тэгеран вырашаць пытанні па тэлефоне, а не сілай, і папярэдзіў, што на гвалт заўсёды будзе адказ. На фоне новых баёў свет рыхтуецца да чарговага скачка цэн на нафту, якія толькі-толькі паспелі знізіцца пасля чэрвеньскага пагаднення.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары