Паводле даных прадпрыемства «Гарадскія лазні», за студзень — май 2026 года агульныя аддзяленні гэтых устаноў наведалі 178 342 чалавекі. За аналагічны перыяд мінулага года іх было 173 363, што амаль на 5 тысяч менш, піша агенцтва «Мінск-Навіны».
Дырэктар прадпрыемства Анатоль Марчанка адзначыў, што каля 80 % прыросту забяспечыла пашырэнне сеткі. У верасні 2025 года ў склад прадпрыемства ўвайшоў лазнева-аздараўленчы комплекс «Малінаўка» на вуліцы Касманаўтаў. Яшчэ каля 20 % росту звязваюць з прахалодным надвор'ем у першыя пяць месяцаў года і пазнейшым пачаткам дачнага сезона.
У той жа час частка пастаянных наведвальнікаў, якія прыходзілі пераважна дзеля басейна, перайшла ў новыя аздараўленчыя комплексы.
Як адзначаюць на прадпрыемстве, вясной і летам колькасць наведванняў традыцыйна змяншаецца на 25—30 % у параўнанні з восенню і зімой. На гэта ўплываюць сезон адпачынкаў, дачныя клопаты і школьныя канікулы.
У летні перыяд некаторыя лазні працуюць па скарочаным графіку. Першай на такі рэжым перайшла лазня ў мікрараёне Сокал. Пры гэтым лазнева-аздараўленчыя комплексы «Лазня», «Сухарава», «Лазня № 1» і 7‑я лазня працягваюць працу амаль без змен. Акрамя таго, установы часова закрываюцца на перыяд планавых адключэнняў гарачай вады, калі праводзяцца касметычныя рамонты.
Усяго ў структуру прадпрыемства «Гарадскія лазні» ўваходзіць 12 грамадскіх лазняў.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта13
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары