Герцаг і герцагіня Кембрыджскія апублікавалі першыя дамашнія здымкі нованароджанага прынца Луі, на адным з якіх яго цалуе старэйшая сястра прынцэса Шарлота, паведамляе Бі-Бі-Сі.
Фота зроблена 2 мая — у трэці дзень народзінаў Шарлоты.
На другім фота, зробленым 26 красавіка, прынцу Луі ўсяго тры дні.
Прынц Джордж, якому ў ліпені споўніцца пяць гадоў, на гэты раз на фота не трапіў.
Аўтарка двух здымкаў — сама Кейт, герцагіня Кембрыджская.
Прэс-служба Кенсінгтанскага палаца паведаміла, што прынц Уільям і Кэтрын былі рады падзяліцца гэтымі дзіцячымі фота.
«Іх каралеўскія высокасці хочуць падзякаваць простым жыхарам за атрыманыя цёплыя пажаданні пасля нараджэння прынца Луі і да дня нараджэння прынцэсы Шарлоты», — гаворыцца ў паведамленні.
Прынц Луі з'явіўся на свет 23 красавіка ў лонданскай лякарні Сэнт-Мэры ў Падынгтане. Гэта трэцяе дзіця герцага і герцагіні Кембрыджскіх.
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне10
Каментары