Сёння адбылося сумеснае пасяджэнне Палаты прадстаўнікоў і Савета Рэспублікі, на якім на пытанні парламентарыяў адказвалі міністры, у тым ліку міністр працы і сацыяльнай абароны Ірына Касцевіч. Дэпутатка Ганна Канапацкая спытала ў міністра пра дапамогу па беспрацоўі.
— Сёння дапамога па беспрацоўі не ўлічвае стаж і заробак, на рынку працы сітуацыя напружаная. Якія плануюцца захады па развязванні беспрацоўя і ці будзе павышацца дапамога?
— А чым выказваецца напружанасць?
— Няма месцаў для спецыялістаў, цяжка жанчынам уладкавацца, асабліва пасля дэкрэта.
— Ахарактарызуем агулам сітуацыю. Ёсць даследаванне хатніх гаспадарак, на люты 2018 узровень агульнага беспрацоўя 5,1% — 260 тысяч чалавек Для супастаўлення бярэцца агульная метадалогія, ёсць станоўчая дынаміка па ўзроўні агульнага беспрацоўя да мінулага года. Калі зняць пенсіянераў і студэнтаў, то ўзровень сёння беспрацоўя — 4,4%. Міжнародныя арганізацыі кажуць, што калі беспрацоўе 3-5%, то гэта здаровы рынак працы. Яна павінна захоўвацца, каб стымуляваць людзей павышаць свой прафесійны ўзровень. Моладзевае беспрацоўе сёння 7%, я б звярнула ўвагу сюды, трэба акцэнт рабіць на гэтым.
— Дык а якія захады?
— Канечне, зніжэнне узроўню і павышэнне эканамічнага росту, у нас сёння 65 тысяч вакансій, даўно такога не было. Але тут дысбаланс — наймальнік сёння просіць дасведчанага работніка, а ў маладых няма досведу, а ёсць кваліфікацыя. Трэба рэзерваваць месца на прадпрыемстве. Мы працуем над гэтым.
— А павышэнне дапамогі?
— Ёсць два кірункі: актыўная і пасіўная палітыка занятасці. Дапамога — гэта пасіўная. А сёння мы рэалізуем і перападрыхтоўку і павышэнне кваліфікацыі. Гатовы пераадукоўваць за бюджэтныя сродкі, галоўнае, каб чалавек быў гатовы. 27 рублёў гэта мала, канечне. Але чалавек мусіць развівацца.
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары