Уладзімір Беражкоў стаў новым спартыўным дырэктарам Федэрацыі хакея
Уладзімір Беражкоў стаў спартыўным дырэктарам ФХБ. Раней пасаду спартыўнага дырэктара займаў Уладзіслаў Клачкоў.
Нагадаем, пасля развітання з «Прэсболам» у красавіку 2014 года, Беражкоў стаў генеральным менеджарам мінскага «Дынама». Таксама ён быў прызначаны намеснікам старшыні ФХБ. У жніўні 2015 года менеджар быў затрыманы праваахоўнымі органамі. У красавіку 2016 яго выпусцілі на волю. Пасля выхаду з СІЗА Уладзімір Беражкоў займаў пасаду намесніка старшыні ФХБ фармальна — у пасяджэннях федэрацыі ён не браў удзелу. У чэрвені 2017 года яго не пераабралі на гэту пасаду.
З чэрвеня 2016 года па сакавік 2017 менеджар працаваў у АБФФ на пасадзе дырэктара Дэпартамента маркетынгу і камунікацый.
У сакавіку 2017 Беражкоў узначаліў ТАА «Свой футбол». Даччыная кампанія АБФФ займалася стварэннем футбольнага тэлеканала «БК-Сетанта». 9 жніўня 2017 года Беражкоў пакінуў гэтую пасаду.
Апошнім месцам працы Беражкова быў холдынг «Советская Белоруссія». У «СБ» Беражкоў адказваў за развіццё інтэрнэт-праектаў, прапрацаваў там усяго тры месяцы. Пакінуў холдынг у лютым гэтага года.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна19
Каментары