Пажары на ўзбярэжжы на захад ад Афінаў сталі самымі смертаноснымі ў Еўропе за больш як сто год. Што стала прычынай такіх пажараў, пакуль дакладна невядома.
Лясныя пажары ў Грэцыі забралі жыцці 91 чалавека па стане на нядзелю, піша радыё «Свабода» са спасылкай на Associated Press. Яшчэ 25 чалавек зніклі без вестак.
Пераважная большасць ахвяраў памерла непасрэдна ў агні, хоць частка людзей патанула ў моры падчас уцёкаў ад полымя.
Пажары пачаліся яшчэ 23 ліпеня. Хоць барацьбе з агнём замінаюць спёка і моцныя парывы ветру, цяпер усе пажары, што пагражалі жылым масівам, згашаныя.
Улады Грэцыі зьвярталіся па міжнародную дапамогу, на якую адгукнуўся шэраг еўрапейскіх краінаў. У барацьбе з агнём бралі ўдзел не толькі грэкі, а і ратавальнікі з Іспаніі, Італіі, Кіпру і Румыніі. Аляксандар Лукашэнка ад імя беларускага народу выказаў грэкам спачуванне.
Прэм'ер-міністар Грэцыі Алексіс Цыпрас узяў на сябе адказнасць за трагедыю, заявіўшы, што ўрад не здолеў абараніць жыцці людзей. Афіцыйная прычына пажараў пакуль не называецца.
Каментары