Міжнародныя рэзервовыя актывы Беларусі на 1 жніўня, паводле папярэдніх звестак, склалі $ 7 млрд 30 млн (у эквіваленце), піша БелТА.
За ліпень ЗВР выраслі на $ 198,8 млн (на 2,9%) пасля скарачэння ў чэрвені на $ 108,2 млн (на 1,6%).
Росту паспрыялі набыццё замежнай валюты Нацыянальным банкам на таргах ААТ «Беларуская валютна-фондавая біржа», паступленне замежнай валюты ў бюджэт, у тым ліку ад збірання экспартных мытаў на нафту і нафтапрадукты, паступленне сродкаў ад продажу на ўнутраным рынку Нацыянальным банкам і Міністэрствам фінансаў аблігацый, намінаваных у замежнай валюце.
Урад і Нацбанк у ліпені выканалі замежных і ўнутраных абавязальніцтваў у замежнай валюце на суму каля $ 450 млн.
Згодна з Асноўнымі кірункамі грашова-крэдытнай палітыкі на 2018 год аб'ём міжнародных рэзервавых актываў на 1 студзеня 2019 года з улікам пагашэння ўрадам і Нацбанкам унутраных і замежных абавязальніцтваў у замежнай валюце павінен скласці не менш як $ 6 млрд.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары