На дзяржТБ паказалі схуднелага манаха, якога перадалі Польшчы разам з Пачобутам
28 красавіка на беларуска-польскай мяжы адбыўся абмен зняволенымі «пяць на пяць». Беларусь перадала Польшчы журналіста Андрэя Пачобута, манаха Гжэгажа Гавела, Томаша Бярозу, асуджанага па абвінавачанні ў шпіянажы. Расія ў рамках абмену перадала Малдове двух супрацоўнікаў малдаўскіх спецслужбаў, затрыманых у Расіі.
Сярод тых, каго перадала Польшча, — асуджаны ў Малдове за дзяржаўную здраду былы намеснік кіраўніка службы інфармацыі і бяспекі Малдовы Аляксандр Бэлан, беларус Уладзіслаў Надзейка, затрыманы ў Польшчы па абвінавачанні ў шпіянажы, расійскі археолаг Аляксандр Буцягін, затрыманая ў Малдове грамадзянка Расіі Ніна Папова і казахскі ваенны аташэ Ануар Бакібай, які працаваў у Кіеве і шпіёніў на карысць Расіі.
На СТБ у нядзельным сюжэце паказалі кадры, як палітзняволеным палякам зачытваюць рашэнне аб іх вызваленні.
Гжэгажа Гавела затрымалі 4 верасня 2025 года. Гавел меў пры сабе «Распараджэнне аб арганізацыі падрыхтоўкі і ўдзеле ў ССВ «Захад-2025». Гэта, як сцвярджалася на дзярТБ, раздрукоўка на 8 старонках з грыфам «Сакрэтна». Гэты дакумент яму нібыта перадалі за некалькі хвілін да затрымання. Асудзіць манаха не паспелі, ён утрымліваўся у СІЗА.
Томаша Бярозу арыштавалі 18 жніўня 2022 года. Пасля суда ён адбываў тэрмін у калоніі №22.
Каментары